Araşdırmalar nəticəsində belə qənaətə gəlinib ki, 45 yaşından sonra qadınların 48%-də, kişilərin isə 36%-də nevroloji xəstəliklər müşahidə edilir.

Bunun səbəbi kimi kişilərdən fərqli olaraq qadınların daha çox demensiyadan əziyyət çəkdiyi göstərilir. Ancaq kişilər daha gənc yaşlarında tez-tez insultdan əziyyət çəkir.

Əgər sizdə də aşağıdakı əlamətlərdən biri yaxud bir neçəsi varsa, bu nevroloji xəstəliyin əlaməti ola bilər :

• qulaqlarda küy
• baş gicəllənmə
• ümumi yorğunluq
• tiklər və qıcolmalar
• nevrotik pozğunluqlar
• mütəmadi olaraq huşu itirmək
• aşağı və yuxarı ətrafların zəifliyi
• yuxu və yaddaşın pozğunluqları
• bədənin müxtəlif nahiyələrinin keyiməsi
• eşitmə, görmə və iy bilmə qabiliyyətin zəifləməsi

Bilməlisiniz ki, hər bir nevroloji xəstəlik ağırlaşaraq təhlükəli hal ala bilər. Buna görə də ilk simpromları müşahidə etdikdə həkim-nevroloqa müraciət etmək lazımdır.

Vaxtında müdaxilə və erkən müalicə xəstənin vəziyyətinin yaxşılaşmasına və tam sağalmasına yardım edəcəkdir.